Олжаева Лаура Калижаровна «Бақыршық орта мектебі» КММ 2006 жылдың 1 –қыркүйегінен бастап бастауыш сынып мұғалімі болып жұмыс атқарып келе жатыр.

Лаура Калижаровна бастауыш сыныпта оқыту әдістемесін жоғарғы деңгейде меңгерген ұстаз. Оның сабақтары өзінің нақты ұйымдастырушылығымен, ғылыми тереңдігімен, қисынды қорытындылауымен ерекшеленеді. Оқушы білімін тексеруді іскерлікпен жоспарлай отырып , басты істерге асқан жауапкершілікпен қарайды.

Ұстаз оқу материалының жүйелі түрде бөлінуіне , ойлау тілін жетілдіруге үлкен көңіл бөледі. Бекіту сабақтарында оқушымен қарым – қатынасты жүзеге асыру мақсатында ойлау,оқу,тыңдау және жазу , яғни , сөйлеу әрекетінің барлық түрлерінің іске асуына ықпал етеді. Оқушыларды ұлттық дәстүрмен, қазақ халқының тарихымен, мәдениетімен, туған жерінің табиғатымен таныстырады.

Мұғалімнің әр пән бойынша өткізген іс – шаралары оқушылар есінде көпке дейін сақталады. Ол өз еңбегімен оқушы білімінің жақсы деңгейде болуына қол жеткізді.

Оның оқушылары жарыстарға белсенді түрде қатысып, жүлделі орындарға ие болып жүр.

Лаура Калижаровна өзінің кәсіби шеберлігін шыңдау жолында тынбай еңбек етуде.Оның – шәкірттері мен әріптестері арасында сыйлы да қарапайым, инабатты, салмақты, ізденуден, үйренуден бірде – бір жалықпайтын «талантты өсіретін – талап» екенін көруге болады. Биікке қарай, қанаты талмай, самғай ұша беретін ұстаздың бірі – Лаура Калижаровна деп танимыз.