Бүгенге тәрбия эшендә ялгышлар һәм кайбер юнәлешләр

Асия Замалиева, Зеленодол районы Ачасыр урта мәктәбенең математика укытучысы Без хәзер җәмгыятебездәге һәртөрле кимчелекләр, ялгышлар, хәл ителмәгән мәсьәләләр турында ачыктан – ачык сөйләшә алабыз, аларны төзәтү һәм тәрбиягә уңай юнәлеш бирү юлларын эзләнәбез. Бездә хәл итәсе мәсьәләләр бик күп. Алар арасында яшь буынны тәрбияләү, аңар халкыбызга лаеклы тәрбия бирү аеруча кирәкле мәсьәлә. Безнең киләчәк, халкыбызның алдагы көне, язмышы, яшьләрнең бүгенге тәрбиясе белән тыгыз бәйләнгән.